á meðal dagskráliða...

skrifað 07. jún 2016
Skreyttur fornbíll hjá Garðyrkjustöð Ingibjargar

Dagskrá Blóm í bæ 2016 er að taka á sig mynd og ljóst er að allir munu finna eitthvað við sitt hæfi.

Bærinn verður blómum skrýddur og verður afrakstur 30 blómaskreyta til sýnis. Alla helgina verður lifandi tónlist á sviði. Fram koma m.a. sönghóparnir Lóur og Kamína, söngvararnir Arnar Gísli og Berglind María og ljúfir jazztónar munu óma um svæðið. Börnin fá upplifun í skemmtigarði sem verður við skátaheimilið og einnig kemur Leikhópurinn Lotta o.fl.

Sögugöngur kl. 14 laugardag og sunnudag Njörður Sigurðsson sagnfræðingur verður með sögugöngur um bæinn fyrir gesti. Lagt er af stað frá Lystigarðinum.

Opnar vinnustofur á Blóm í bæ í Listhúsinu að Egilsstöðum kl. 12:00 og 18:00 Handverk undir Hamri og Myndlistarfélag Árnessýslu verða með opnar vinnustofur sínar laugardaginn 25. júní og sunnudaginn 26. júní. Góð verð á ýmsum verkum í tilefni hátíðarinnar. Vinnustofufélagar bjóða alla velkomna.

Jónsmessuhátíð Norræna félagsins í Hveragerði verður í Lystigarðinum kl. 13-17, laugardaginn 25. júní. Byrjað verður á að skreyta og reisa miðsumarstöng og síðan verður dansað í kringum hana. Boðið verður upp á djús og piparkökur með camembert osti, eldsteikt poppkorn og smábrauð sem gestir geta bakað sjálfir yfir eldi.