Um sýninguna

Helgina 14. - 17. júní 2019 verður Garðyrkju- og blómasýningin „Blóm í bæ“ haldin í áttunda sinn. Fyrri sýningar hafa notið mikillar hylli og fjöldi gesta sótt hátíðina heim og notið þess sem í boði var.

Sýningarsvæðið er í alfara leið fyrir ferðamenn, aðeins í um 30 mínútna fjarlægð frá höfuðborgarsvæðinu.
Fjöldi viðburða verður á sviði garðyrkju, umhverfismála, skógræktar og íslenskrar framleiðslu. Náttúruupplifun, sögugöngur, jóga, núvitundar- og álfagöngur, markaðir, tónlistaratriði og margt, margt fleira.

Í tilefni af viðburðinum, Blóm í bæ, eru í Hveragerði 30 faglærðir blómaskreytar: Íslendingar, Hollendingar, Belgar, Norðmenn og nemar á blómaskreytingarbraut LBHÍ. Þeir vinna hörðum höndum að hönnun skreytinga úr íslenskum blómum sem prýða aðalgötu bæjarins og Lystigarðinn. Frá Fossflötinni upp Varmárgil taka Land Art skreytingar við. Þær eru unnar úr náttúruefnum sem eru í nærumhverfinu og eyðast þær í náttúrunni með tímanum. Njótum, skoðum og upplifum

blomibæ2019 Þema sýningarinnar í ár er "Græna byltingin"

  • Umhverfishyggja
  • Grænar samgöngur
  • Blómaskreytingar
  • Sjálfbærni
  • Land-Art
  • Afurðir græna geirans
  • Endurnýting/-vinnsla
  • Sögugöngur, álfaganga, jóga, núvitundargönguferð og fræðsla

Sýningin er fjölskyldumiðuð, fólk á öllum aldri ætti að finna eitthvað við sitt hæfi.

Í Hveragerði er gott tjaldsvæði sem verður opið alla dagana en einnig er minnt á að Strætó er með fjölda ferða um helgina til Hveragerðisbæjar frá Mjóddinni.

IMG_7125 _MG_7422