Um sýninguna

Helgina 14. - 17. júní 2019 verður Garðyrkju- og blómasýningin „Blóm í bæ“ haldin í áttunda sinn. Fyrri sýningar hafa notið mikillar hylli og fjöldi gesta sótt hátíðina heim og notið þess sem í boði var.

Sýningarsvæðið er í alfara leið fyrir ferðamenn, aðeins í um 30 mínútna fjarlægð frá höfuðborgarsvæðinu.
Fjöldi viðburða verður á sviði garðyrkju, umhverfismála, skógræktar og íslenskrar framleiðslu. Fallegir garðar verða til sýnis, sögugöngur, markaðir, tónlistaratriði og margt, margt fleira.

blomibæ2019 Þema sýningarinnar í ár er "Græna byltingin"

  • Umhverfishyggja
  • Grænar samgöngur
  • Blómaskreytingar
  • Sjálfbærni
  • Land-Art
  • Afurðir græna geirans
  • Endurnýting/-vinnsla

Sýningin er fjölskyldumiðuð, fólk á öllum aldri ætti að finna eitthvað við sitt hæfi.

Í Hveragerði er gott tjaldsvæði sem verður opið alla dagana en einnig er minnt á að Strætó er með fjölda ferða um helgina til Hveragerðisbæjar frá Mjóddinni.

IMG_7125 _MG_7422